Ontmoeting

Zo af en toe kom ik mezelf tegen...
Zoals op deze site  http://bouillabaiseworkinprogress.blogspot.nl/2013/08/graffiti-summer-vlieland-2013-language.html

Dichten in 't Zand

Sinds oktober 2003 rijdt de Vliehors Expres met zeer speciale banden, wanneer er over het zand wordt gereden verschijnt er een tekst in het zand.

In de zomer van 2004 ontstond het idee om in de andere band een gedicht te snijden. Er werd een dichtwedstrijd georganiseerd. Uit de vele reacties werd het gedicht van Albertien Klunder uitgekozen als winnaar.

Sinds oktober 2004 drukken we jaarlijks een nieuw gedicht in het strand.

Gedichten mogen een maximale lengte hebben van 112 leestekens, verdeeld over twee regels.

Binnen een jaar tijd zal het gedicht ongeveer 5,5 miljoen keer op het strand gedrukt worden!!

En dit waren die regels:

Wat de diepste indruk maakt werd door water aangeraakt

door geen mens gestoord neemt de zee het laatste woord 

Van 'Måneskinn' (Edvard Munch) tot 'vrouw in zwaart'

                                                          Måneskinn - Edvard Munch

150 jaar geleden werd Edvard Munch geboren. Uit 1893 stamt zijn schilderij 'Måneskinn' en daaraan ontleende ik inspiratie voor mijn gedicht 'Vrouw in zwaart', opgenomen in mijn debuutbundel As langs de muren d'aovend slöp (Het Drentse Boek, 1992). De titel van de bundel komt uit dit gedicht.


vrouw in zwaart

een vrouw in zwaart verlat het hoes
heur voetstap aorzelt op de tree
heur strakke mond, die woorden zee
is veur heur oet het hek deur gaon

gerucht van stemmen over 't pad
ze volgt ze naor de waoterkaant
daor staot ze, schreeuwend op de diek:
kinder en kerels met gries haor
de koppen gruit boven het riet
heur aarms gooit woorden in de locht
het woord wèeit over de rivier
die gulzig langs de oevers slikt

een kleine boot dref stuurloos rond
de raanden glad, té aofgerond
um holvaast an te kriegen
star kiekt de ogen naor umhoog
het oor heurt zaacht de zeek're slag
voeg - vogel - mij je vleugels an
fluustert het hart -
da'k vliegen kan

de diek is leeg, het pad is stil
as langs de muren d'aovend slöp
vanoet het hoes een kleine stem
een kind wat um zien mamma röp


Suze Sanders

Aomer Ummegaank en Taal an Taofel

Gisteraovend, 25 september, las ik veur bij de Aomer Ummegaank in Café De Amer, Amen. Een keuze oet mien Nederlandstaolige en Drentstaolige wark en ok een koppeltie neie gedichten he'k veurlezen, veur een café vol andachtige luusteraors.

Zundag 24 november treed ik op bij 'Taal an Taofel' in Noord-Sleen. Ballads2 zörgt veur de meziek en Anne Doornbos veur het proza-diel. Ballads2 en ik zult ok saomen optreden.
Meer info via het Huus van de Taol in Beilen.

ZomerZinnen Meppel 22 juni a.s.

Over een week mag ik weer veurlezen op ZomerZinnen. Dizze keer wordt het literaire festival holden in Meppel, in en rond Schouwburg Ogterop, van 16:00-23:00 uur.

Ik stao programmeerd saomen met Ria Westerhuis en wij doet saomen twèei blokkies: 16:30-17:00 uur en 21:00-21:30 uur, volgd deur een signeersessie, vanaof 21:40 uur.

4 en 5 mei

4 mei Dodenherdenking

Tijdens de Dodenherdenking in Hollandscheveld heb ik twee gedichten voorgelezen. Even voor de twee minuten stilte las ik 'Perron aan de Boulevard des Misères', voorafgegaan door het verhaal over Machieltje Prins. Na het Wilhelmus las ik nog mijn gedicht 'Dodenherdenking' voor.

In het Kamp Vught zitten veel Joodse kinderen. In Februari 1943 wordt besloten, dat zij naar een apart deel van het kamp moeten. Alleen kinderen tot 4 jaar komen bij hun moeder in de barak. De kinderen kunnen niet goed verzorgd worden, er is geen melk of pap voor ze. Veel kinderen worden ziek en overlijden. De SS besluit daarom dat alle kinderen uit het kamp moeten.

Het jongste kind is Machieltje Prins. Hij wordt geboren in Kamp Vught.

Zes dagen oud is hij, als hij uit Vught wordt weggevoerd. In Westerbork wordt hij uit het transport gehaald. Hij is te klein en te zwak om te reizen. In Westerbork komt hij in de couveuse en wordt goed verzorgd. De kampcommandant komt elke dag vragen hoe het met hem gaat. Als Machieltje drie maanden oud is en voldoende is aangesterkt moet hij direct met het volgende transport mee. Hij wordt vermoord in Auschwitz.  

DODENHERDENKING

Wij gungen langs de vriendelijke wegen

zo stil al op dit vrogge aovenduur

de trommelstokken roffelden secuur

het ritme dat de voeten deu bewegen

 

wied vot de pluum van een vergeten vuur

een vrouw stun stil op ’t pad dat zij wol vegen

en boven de rechtknipte boerenhegen

kleurde halfstok het rood-wit-blauw de muur

 

het stilst de jonge kerels die hier bleven

met um heur toe de prunussen in blui

belofte van een nei begun, van grui

die heur dat uur veurgoed ontnummen is

 

mien haand gledt naost mij naor het jonge leven

dan gruit in mij de angst, ontsteltenis.

 

Suze Sanders ©

 

 

 

5 mei Bevrijdingsdag

Om 14 uur werd ik, samen met de twee andere prijswinnende vrijheidsdichters Geja Casu en Mart Brok, welkom geheten in de mobiele studio van RTV Drenthe, op het terrein van het Bevrijdingsfestival. Daar verzorgde Judith Regendorp vijf uur lang een live uitzending. Thema van Bevrijdingsdag 2013 was 'Vrijheid spreek je af', eveneens het thema van de dichtwedstrijd. Dit is mijn gedicht:


Vrijheid keer op keer

Het is het lossen van de touwen

die te strak zijn aangetrokken
het ontknellen van het keurslijf
dat te krap is

het is het strelen van de stemmen

die vergeefs worden gesmoord
het ontkleuren van de bril
waarvan de sterkte maar een grap is

het is het zagen aan de tralies

van de bedelaar die brokken
zou gaan maken in een stad
zonder verkeer

het is de kracht in elke hand
die contact zoekt met de jouwe
en je vrij laat om te gaan
waarheen je wilt

keer op keer.

 

Suze Sanders ©

 

 

 

 

 

 

 

 

 

 

 

 

Dodenherdenking Hollandscheveld

Ik zal op 4 mei een paor gedichten veurlezen tiedens de Dodenherdenking in Hollandscheveld.

Optreden ZomerZinnen 22 juni

Op zaoterdag 22 juni treed ik op tiedens het Literair Zomerfestival ZomerZinnen in Meppel. Naodere informaotie volgt.

Schaarven van glas

Tiedens de prissentaotie van Veenbraand weur ik verrast deur Luc Oostra met een geluudsopnaome van 'Schaarven van glas'. Hij har mien gedicht 'Glazen bol', oet de bundel al op meziek zet.
Inmiddels is het lied te heuren via dizze link.

Eerder hef Luc Oostra al 'En komp de dag' in fado-versie opnummen op de CD Weer terug (saomen met Jan Kuipers).
'Dizze Wals' (de Drentse bewarking van 'Take this waltz' van Leonard Cohen) is hier te heuren.

Veenbraand in het Dagblad van het Noorden

Vandaog stiet in het Dagblad van het Noorden een recensie van Veenbraand deur Gerard Stout.
De schatplichtigheid an Nederlandse dichters, die daorin nuumd wordt, geldt wat mij betreft meer bepaolde dichters (Tarjei Vesaas, Jon Fosse) oet de Noorse literatuur.

'En komp de dag' en inspiraotie

Vanmörgen he'k optreden tiedens Taal an Taofel in Vries. Gerard Stout las ok veur oet zien wark en duo HáDieJan (Dianne Marsman en Jan Ottink) oet de Achterhoek verzörgde de meziek: mooie luusterliedties. Het was een mooie bijienkomst met veul en andachtig volk. Janny Roggen, Herma Stroetinga en Anne Doornbos deuden 't meraokel. Techniek en eten was ok dik veur mekaor.

Speciaol, veur mij in 't bezunder, was het leste nummer dat HáDieJan zung: As ik verdwaaln. Jan Ottink vertelde dat hij jaoren leden mien gedicht En komp de dag las en dat gedicht was ien van de inspiraotiebronnen veur het lied dat hij schreef en waormet ze vandaog dus ofsleuten.

Ik vin 't bezunder dat En komp de dag op zoveul verschillende manieren een plek kregen hef, naoda'k het schreef as 'Gedicht van de maond' veur het project van wat toen nog 'Drentse Taol' was. Maondblad Drenthe en Radio Drenthe waren in die tied ok betrökken bij dat project.

Daornao hef Ab Drijver En komp de dag op meziek zet, het Nedersaksisch Vocaal Ensemble hef het in het repertoire opnummen, Carlos Micháns hef het as ien van mien Drèei Drentse Gedichten gebroekt in de symfonische compositie veur het Drents Symfonieorkest, laoter ok oetvoerd (in Spanje!) deur het Grootkoor en orkest van Bragi oet Grunning en Luc Oostra hef er een fado-oetvoering van opnummen. En de tekst is dan dus ok inspirerend west veur Jan Ottink.

Het is mooi veur mij, as dichter, dat zoveul mèensken die tekst kennelijk op pries stelt.
Naoda'k het gedicht een maol veurlezen har, kwam een vrouw van een jaor of tachtig wat ontdaon naor mij toe en vreug: hoe kun jij nou weten dat ik dat zo vuul.
Lichtkaans zit het daorin.

Het nummer As ik verdwaaln van HáDieJan, waordeur dit verhaoltie in gang zet weur, kuj hier heuren. Het komp oet heur theatershow 'Teegnkommn' oet 2007.

Jan Germs over 'Veenbraand'

Jan Germs hef 't in de Huus van de Taol rubriek 'Van huus uut' over mien neie bundel Veenbraand.

De prissentaotie van Veenbraand

Afgelopen vrijdagmiddag was de prissentaotie van Veenbraand in het Huus van de Taol.
Nao het openingswoord deur veurzitter Anne Doornbos, stun mij een verrassing te wachten, die deur het programma hen in stukkies verdield was.
An vief kollega-dichters (Gerard Nijenhuis, Nicolette Leenstra, Martin Koster, Anne Doornbos en Aagje Blink) was vraogd um een gedicht met 'Veenbraand' as oetgangspunt veur mij te schrieven. Het leverde vief prachtige gedichten op, die alle dichters tiedens de prissentaotie veurlazen en boetendes kreeg ik alle gedichten op een mooie poster en prachtig inliest overhandigd.
Inderdaod een geweldig mooie verrassing.

Mien dochter Annelien zörgde veur de muzikaole bijdraoge in een blokkie van oes saomen. Ik leidde een gedicht in, las het veur en daornao zung Annelien een lied dat daorbij paste. Ondanks de verkoldheid die ze net weer de baos was, klunk het as een klok!

 

Het eerste exemplaor was veur mien olders, die ik daormet verraste.

 

 

De verrassing!

 

 

En nao het officiële programma was het vanzölf tied veur een happie en draankie èn gelegenheid um de bundel te kopen en te laoten signeren!
Zeun Reinier was drok gangs met fotograferen.

En een paor daogen laoter is 't tied veur het vervolg.

Allemaol stief bedankt veur je belangstelling en het kopen van de bundel. Laot ok ies weten wa'j der van vindt.

Agenda in meert

  8 meert:  Prissentaotie Veenbraand
  9 meert:  Interview in Podium, Radio Drenthe, 14-15 uur
10 meert:  Interview in Plaatstaal, Radio Hoogeveen, 13-14 uur
16 meert:  Optreden tiedens Noord Houdt Woord, Café De Wolthoorn & Co., Groningen, vanaf 20.00  uur, gratis toegang
17 meert:  Optreden tiedens Taal an Taofel, Café Onder de Linden, Vries, 11-14 uur (risserveren via info@onderdelindenvries.nl)
29 meert:  Optreden bij Poëzie met Kasper, Theater De Kapel, Emmastraat 15, Groningen. Aanvang 20.30 uur, gratis toegang

Een paor van mien gedichten op YouTube

Op YouTube bint een paor gedichten oet Veenbraand te heuren.

Van hoes

Tussentied

Glazen bol

VEENBRAAND

Op vrijdag 8 meert wordt mien viefde dichtbundel Veenbraand prissenteerd.

In dizze neie bundel bint 35 Drentstaolige gedichten opnummen, opdield in vief cyclussen:
Van Hoes, Rimpelloze Daogen, Zwiegend Laand, Tussentied en Veenbraand.

Veenbraand wordt oetgeven deur Het Drentse Boek in Beilen en kost € 12,50.
De bundel is hier te bestellen, maor is ok te koop in de Drentse boekhandels.

16 maart 'Noord Houdt Woord'

Op zaterdag 16 maart a.s. wordt in Café De Wolthoorn & Co. een literaire avond gehouden.
Ik zal daar ook acte de présence geven en met mij vele andere schrijvers.
Voor meer informatie zie www.noordhoudtwoord.nl

Gedichtendag, thema Muziek

Lied van de rivier

An stieve stengels blös de wind meziek
unzichtbaor schreeuwen hangt boven het waoter
in regentakt stroomt de rivier naor laoter
gekromde stokken priemt vanaof de diek

staccato spiekert snaovels 't waoter in
en angeliende dood giet stiller jaogen
op harten die gien weet hebt van de daogen
under het spiegelvlak verroert gien vin

zaacht happend ligt de monden an het pad
in kolde ogen valt het leste locht
een spiegel is gien keerpunt veur de dood

het lied van de rivier klinkt vrömd en groot
verrötting dref op golven naor de stad
een groet, as in een leste aosemtocht.


Laoter

Het lied van de rivier klinkt vrömd en groot
een bruggewelf umspant het met zien kracht
golven trekt rimpels in de gladde nacht
en tonen siddert in de diepe schoot

an stugge strengen langs de wallekaant
de schepen in heur dreumen stil verzunken
heur longern lig an ankers diep verklunken
maor onrust woelt in 't lösgetrilde zaand

verdoemd het laand waor dreumen niet bestaot
waor de rivier nooit weer de zee mag vinden
waor vogels fladdert met gekörte vleugels

de vrijheidsdrang is wars van alle teugels
de klaanken van heur lied laot zuk niet binden
ze vindt het diepste dal de stilste straot.

© Suze Sanders

Oet As langs de muren d'aovend slöp (1992)

17 meert Taal an Taofel Vries

Op zundag 17 meert vervang ik Hans Jalvingh en Herma Stroetinga (Dichters uut de tied) bij Taal an Taofel in Café 'Onder de Linden' in Vries. Ik gao dan veural veurlezen oet mien neie bundel 'Veenbraand', die op 8 meert verschienen zal.

Gerard Stout verzörgt het prozagedielte en HáDieJan! zörgt veur de meziek.
Het programma (inclusief warm eten) duurt van 11.00 tot 14.00 uur.
Kaorten kuj reserveren bij Café 'Onder de Linden', info@onderdelindenvries.nl of tillefonisch via 0592 541224.

Dizze Wals deur Heeren Oud-Zuid

Het muzikaole trio Heeren Oud-Zuid, bestaonde oet Luc Oostra, Jan Kuipers en Cor Többen, hef op 16 december j.l. veur het eerst 'Dizze Wals' heuren laoten in De Amer, tiedens heur optreden in het veurprogramma van Frédérique Spigt.
Het nummer is oorspronkelijk van Leonard Cohen ('Take This Waltz'), die het op zien beurt weer bewarkte. Het origineel is nl. een gedicht van Lorca: 'Kleine Weense Wals' en ik vertaolde het nummer veur Heeren Oud-Zuid naor het Drèents.

Zundag 27 jannewaori in Börk

Zundag 27 jannewaori lees ik veur in museumherberg De Ar in Westerbörk, tiedens een literaire/muzikaole mörgen. Bas Luinge, Gea Tiemens en Gezinus Omvlee bint ok van de partij.
De meziek wordt verzörgd deur Trijntje van der Scheer en Gerrie Vos.
De organisaotie is in haanden van Stichting Zummeractiviteiten Westerbörk.
Meer informaotie vinj hier.