Het is daorum met veul plezeer da'k de ankondiging doen kan van mien neie dichtbundel 'Vioolties an zee' bij Het Drentse Boek in Beilen. Eind september zal de prissentaotie wezen en ik verheug mij daor nou al op! Meer daorover laoter.
Veurige maond verscheen bij/van de gemiente Midden-Drenthe een fotoboek van Pieter Sturrus over de gemiente. Der bint een paor gedichten in dit boek opnummen, waorunder ien van mij. Het boek is niet veur de verkoop maokt.
Zundag j.l. verscheen de bloemlezing van de Neie Drentse Schrieverskring, waorin ok drèei van mien gedichten te lezen bint. De titel 'Alles wat hier wortel schiet' slöt mooi an bij diel 2 van de Drentse Literatuurgeschiedenis 'Waor roet en blommen wortel schiet in 't veld'.
In de loop van dizze week verschient 'Memories in Muskee's Magazine', waor ik een bijdraoge veur schreef.
En argenswaor in dizze junimaond is mien stukkien naor anleiding van een gedicht van Peter van der Velde te lezen in 'De Krant'. Dit in verband met het Peter van der Velde jaor.
