Op zundagmiddag 30 meert weur in het restaurant 'De Boerderij', bij de prachtige Fraeylemaborg in Slochteren, bekend maokt wel de DvhN Streektaolpries 2013 kriegen zul. Veur het zowied was, las juryveurzitter Eric van Oosterhout de juryrapporten veur. Op zu'n moment nimp de spanning wel toe!
Maor 't leup goed of veur mij, want in de categorie proza/poëzie bleek mien dichtbundel Veenbraand
de winnaar te wezen.
Umdat mien olders der jammer genog niet bij waren, maor ik heur toch wat wilde betrekken bij dizze bezundere gebeurtenis, las ik twèei gedichten veur waorin zij figureert. As eerste het openingsgedicht van de bundel, 'Van hoes' en daornao 'Diachronie'.
Jan Henk de Groot kreeg de Streektaolpries in de categorie Meziek/DVD veur zien CD Weerom.
Veur de foto in het Dagblad van het Noorden poseerden wij beiden boeten, waor het mooi zunnig weer was.
Ik bin ontzettend wies met dizze erkenning veur mien gedichten.
En daorbij schien ik ok nog de eerste vrouw te wezen die de Streektaolpries kregen hef, een mooie bijkomstigheid!
