Tiedens ien van de aovends van de cursus 'liedteksten schrieven' bij het Huus van de Taol, was de opdracht um bij het schrieven te warken met associaties. Umda'k zölf geern naor Scandinavië gao met vekaansie, speciaol Noorwegen, leek het mij mooi um het in die richting te zuken. Maor umdat naor mien idee Zweden meer in Nederland bekende dinger hef as Noorwegen, kwam het accent op Zweden te liggen. Zo kuj hier geregeld olde Volvo's op de weg zien rieden en wieder leek het mij mooi um Cornelis Vreeswijk in de tekst 'met te nimmen'. In Zweden (en Noorwegen) is zien meziek aaid nog populair, hij was een groot artiest daor. Maor ok hier in Nederland kenden wij zien meziek en zodoende he'k een paor titels van zien liedties in mien tekst verwarkt: Veronica, De nozem en de non.
Aj in de zummer in Scandinavië bint, kunt benaom in het noorden hiele legers neefies perberen je te graozen te nimmen. Dat gegeven is in het refrein kommen. Gelukkig duurt die periode maor een paor week, maor 't kan knap lastig wezen en je roetenwissers kunt er wel tureluurs van worden.
Zummers in Zweden kuj hier nog ies heuren.
Ik wèens je een mooie zummer!
 |
| Ann Faverey (l) en Wilke Jansen (r) |
