13 september optreden tiedens Culturele Uitdag in De Amer

Op zaoterdag 13 september lees ik veur oet eigen wark tiedens de Culturele Uitdag in Café De Amer  in Aomen.
Der zal meziek te heuren wezen van Heeren Oud-Zuid oet Assen.
Ok wordt het programma van de Literaire Hemel veur dit naojaor bekendmaokt.

Ik hoop je argenswaor tussen 14:00 en 17:00 uur te zien daor in Aomen.
De toegang is vergeefs!

'Zummers in Zweden' op CD!

Nao een prachtige twèeide plek op het Drèents Liedtiesfestival veur Zummers in Zweden, zungen deur Wilke Jansen en Ann Faverey, is het nummer op CD oetbracht. Extra antrekkelijk veur zanglustige Drenten en niet-Drenten, umdat behalve het nummer zölf ok een instrumentaole versie op de CD stiet. Kuj het liedtien lekker ok zölf zingen, want de tekst stiet op de achterkaant van de CD-hoes ofdrukt! Kiek hier maor veur meer informaotie!        

                       

 

Dichters in de Prinsentuin van 18-20 juli 2014 Groningen

Ankommend weekend is in Stad weer het poëziefestival Dichters in de Prinsentuin.
Zaoterdagnummerdag 19 juli stao'k van 14:15 tot 15:00 uur in de loofgangen en lees mien gedichten veur. Vanzölf veural oet Veenbraand, waorveur ik eerder dit jaor de Streektaolpries kreeg.

De plek is prachtig, der bint nog veul meer dichters te heuren èn je kunt er zo inlopen.
Ik hoop je daor te zien.

Veur het hiele pregram kiek je hier.

Studioversie van 'Zummers in Zweden'!

Onlangs bint Wilke Jansen en Ann Faverey de Dunn Devil Studio indeuken um 'Zummers in Zweden', waormet zij twèeide worden bint tiedens het Drèents Liedtiesfestival, op te nimmen.

En vandaog was die opnaome veur het eerst te heuren tiedens het radioprogramma 'Op Streek' van RTV Drenthe. 'Zummers in Zweden' kuj hier in die oetzending beluustern, vanof 12:38.

Zummers in Zweden 2e op het Drèents Liedtiesfestival!

Gusteraovond hebt Wilke Jansen en Ann Faverey een schitterende tweede plaots weten te bemachtigen op het Drèents Liedtiesfestival, tiedens een live oetzending van RTV Drenthe.

Ann, Suze en Wilke

 

Het winnende liedtien Zundagskind is van Bert Kamping en weur zungen deur Gerrit Denekamp.

Suze Sanders is Dichter van Geluk! 3 juni Openbare Bibliotheek Groningen

Dinsdag 3 juni a.s. ben ik als 'Dichter van Geluk!' de gast van Rense Sinkgraven.
Om 12:30 uur in de Openbare Bibliotheek van Groningen, eerste verdieping.
Hier meer informatie.

Rippetitie veur het Drèents Liedtiesfestival

Vandaog was 't rippeteerdag bij RTV Drenthe. Ankommende dönderdag 29 mei, Hemelvaortsdag, is de finale van het Drèents Liedtiesfestival (DLF) live op TV Drenthe te zien!

En vanzölf lek het mij hiel mooi aj stemt (DLF 6) op het liedtien waor as ik de tekst veur schreef: Zummers in Zweden, oetvoerd deur Wilke Jansen en Ann Faverey. Ann hef de tekst op meziek zet.

Beneid naor Wilke en Ann?
Dan moej hier maor ies even kieken.