Zundagmiddag 15 meert 2015 Suze Sanders & Ballads2 in Bibliotheek Emmen

De Bibliotheek Emmen houdt op zondag 15 maart van 13.30 tot 15.30 uur een Drentse Middag. Dit in het kader van Meertmoand Dialectmoand. Aan deze middag werken Suze Sanders, Ballads2 en Jan Germs mee.

De middag is gratis bij te wonen in het leescafé van de bibliotheek aan het Noorderplein.
Tegelijkertijd wordt er in de bibliotheek ook een iPad-Café georganiseerd. Suze Sanders en Ballads2 verzorgen een Drents programma, waarin Suze Sanders de mensen meeneemt op een korte reis door haar leven. Daarin worden haar gedichten van afgewisseld met liedjes en muziekstukjes voor fluit en piano, gespeeld en gezongen door Ballads2.  De liedjes zijn bekende en minder bekende liedjes, vertaald door Suze Sanders naar het Drents. Suze Sanders, pseudoniem van Albertien Klunder-Hof (Goes, 1953) schrijft gedichten in het Drents en in het Nederlands. Ballads2 bestaat uit Margreet Puite (piano) en Petra Herbrink-Vosman (zang).

25 oktober 'Nacht van de nacht'

Ankommende zaoterdag 25 oktober verzörg ik saomen met Ballads2 een diel van het programma Nachtspektakel @Hunebedcentrum tiedens de Nacht van de nacht.

Tussen 19:00 en 22:00 uur is der van alles te beleven bij het Hunebedcentrum in Börger.

Het programma bestiet under meer oet:

Spectaculaire opening door theatergezelschap Visions of the North.

Lezingen van Govert Schilling en Wim Schmidt.

Spannende fakkeltocht langs mythen en sagen.

Poëzie, verhalen en muziek bij het grootste hunebed van Nederland.

Kaorten veur de aovend kost 5 euro per stuk en kuj bestellen via www.nmfdrenthe.nl/nachtvandenachtkaarten

Suze en Ballads2 (Margreet Puite en Petra Herbrink-Vosman)

In Memoriam

 

    Jan Hof is mien pap. Hij weur geboren in Wespert, in 1926.
    Annie Meijers is mien mam. Zij weur geboren in Grol, in 1927.
    Beiden kwamen ze het leste half jaor oet de tied.

    Diachronie schreef ik twèei jaor leden, de foto nam ik wat laoter.
    Een dierbaore herinnering an de twèei geweldig lieve mèensken die mien olders waren.

Blauwe Maon Boven Drenthe

Vanaf vandaog is het nummer Blauwe Maon Boven Drenthe ('Blue moon of Kentucky') under meer hier te beluustern.

Floris de Vries arrangeerde het nummer en nam het op met Jacob Veenstra, Sander Brinks, Thom Charmes, Joost van Es, Jeroen Schmohl, Jesse Borger en Mariecke Borger.
De Drèentse tekst is van mij.

Blauwe Maon Boven Drenthe wordt oetgeven deur DRC Entertainment, waor eerder Hol mij niet hier al oetkwam. De Drèentse tekst daorvan schreef ik ok.

13 september optreden tiedens Culturele Uitdag in De Amer

Op zaoterdag 13 september lees ik veur oet eigen wark tiedens de Culturele Uitdag in Café De Amer  in Aomen.
Der zal meziek te heuren wezen van Heeren Oud-Zuid oet Assen.
Ok wordt het programma van de Literaire Hemel veur dit naojaor bekendmaokt.

Ik hoop je argenswaor tussen 14:00 en 17:00 uur te zien daor in Aomen.
De toegang is vergeefs!

'Zummers in Zweden' op CD!

Nao een prachtige twèeide plek op het Drèents Liedtiesfestival veur Zummers in Zweden, zungen deur Wilke Jansen en Ann Faverey, is het nummer op CD oetbracht. Extra antrekkelijk veur zanglustige Drenten en niet-Drenten, umdat behalve het nummer zölf ok een instrumentaole versie op de CD stiet. Kuj het liedtien lekker ok zölf zingen, want de tekst stiet op de achterkaant van de CD-hoes ofdrukt! Kiek hier maor veur meer informaotie!        

                       

 

Dichters in de Prinsentuin van 18-20 juli 2014 Groningen

Ankommend weekend is in Stad weer het poëziefestival Dichters in de Prinsentuin.
Zaoterdagnummerdag 19 juli stao'k van 14:15 tot 15:00 uur in de loofgangen en lees mien gedichten veur. Vanzölf veural oet Veenbraand, waorveur ik eerder dit jaor de Streektaolpries kreeg.

De plek is prachtig, der bint nog veul meer dichters te heuren èn je kunt er zo inlopen.
Ik hoop je daor te zien.

Veur het hiele pregram kiek je hier.