Nao het openingswoord deur veurzitter Anne Doornbos, stun mij een verrassing te wachten, die deur het programma hen in stukkies verdield was.
An vief kollega-dichters (Gerard Nijenhuis, Nicolette Leenstra, Martin Koster, Anne Doornbos en Aagje Blink) was vraogd um een gedicht met 'Veenbraand' as oetgangspunt veur mij te schrieven. Het leverde vief prachtige gedichten op, die alle dichters tiedens de prissentaotie veurlazen en boetendes kreeg ik alle gedichten op een mooie poster en prachtig inliest overhandigd.
Inderdaod een geweldig mooie verrassing.
Mien dochter Annelien zörgde veur de muzikaole bijdraoge in een blokkie van oes saomen. Ik leidde een gedicht in, las het veur en daornao zung Annelien een lied dat daorbij paste. Ondanks de verkoldheid die ze net weer de baos was, klunk het as een klok!
Het eerste exemplaor was veur mien olders, die ik daormet verraste.
De verrassing!
Zeun Reinier was drok gangs met fotograferen.
En een paor daogen laoter is 't tied veur het vervolg.
Allemaol stief bedankt veur je belangstelling en het kopen van de bundel. Laot ok ies weten wa'j der van vindt.
Suze,
BeantwoordenVerwijderenik heb al een paar keer probeerd te reageren op wat ie hier schrieft. Ik kriege de reacties maor neet eplaatst. Ie smiet ze toch neet stiekum fot?
Moi Nienke, ik zul niet duren, maor ik lees nou wel waj schreven hebt :-)
Verwijderen