Dat pakket bestiet oet een CD met twintig Drentse liedties veur de speciaole momenten in het jaor, een karaoke CD en een deur Jet de Wilde mooi illustreerd boek, waor de teksten en de meziek in staot. Zangeres Martijje zingt alle liedties op de CD. Alle liedties kuj hier heuren.
Veur het pakket heb ik twèei teksten schreven.
Lekker lezen (nr. 13 op de CD) is geschikt veur de tied van de Kinderboekenweek maor vanzölf ok veur de rest van het jaor. En ik schreef een tekst veur een Sunterklaosliedtien: Sunterklaos ik wol ies weten (nr. 15 op de CD).
In december wordt op TV Drenthe op veer zaoterdaogen een kinderliedtiesfestival holden, waor aj een diel van de liedties ok heuren kunt.
Het pakket is niet allèn maor geschikt veur schoelen, in hoes kuj der ok veul plezeer an beleven!
