Taal an Taofel
Ankommende zundag 14 december treed ik op bij Taal an Taofel, bij Restaurant-Zalencentrum Wielens in Noord-Sleen. Het wordt een mix van wat oldere, maor ok neie gedichten. De proza komp veur rekening van Egbert Meijers en de meziek wordt verzörgd deur Niet te Stillen...
'Taal an Taofel' bestiet al meer as 25 jaor en is een geslaagde combinaotie van Drentse (maor ok aander Nedersaksische) literatuur en meziek en in de pauze een warme maoltied. Risserveren kuj hier doen. Taal an Taofel begunt um 11.00 uur en eindigt um 14.00 uur.
Het Daolders Gedicht
Op 22 november weur in Café De Cerck in Beilen het tweede Daolders Gedicht prissenteerd en dat was dizze keer een gedicht van mij, fraai vörmgeven deur Gerrit Boer. Het Daolders Gedicht is een initiatief van oetgevers Boer&Köster
Vier je eigen taal
Op 29 november j.l. verscheen bij de Friese oetgeverij Frysk en Frij een bundel met neie gedichten van 222 dichters over het thema taal in ca. 70 'kleine' taolen. Der is ok een gedicht van mij opnummen in dizze gevarieerde bundel.
